وين الغلط؟!
اذا انتقدنا حدى حط حاله بمكان مسؤولية وطالبناه يقوم بواجبه؟!
اذا انتقدنا المجتمع وحكينا عن سلبياته وطالبنا نكون جزء من التغيير؟!
اذا شفنا غلط وفرص عم تضيع وطالبنا باستغلالها؟!
اذا طالبنا بمسح الخوف والجبن وانه ندافع عن اولاد بلدنا بكل طاقتنا ونحمي ثورتنا؟!
الاسد سقط.. بعد ١٤ سنة ثورة و مليون شهيد وملايين المهجرين والمنفيين
حقنا نقاتل حتى نوصل للبلد اللي كرمالها استشهدوا وتهجروا الناس.. وعيب علينا نسلمها لناس تعودوا على الخوف وحب الوجاهة والسلطة..
ماني خايف لا من مسؤول ولا شخص كبير ولا حدى عنده نفوذ.. اذا غلط لح قله انت غلطان بوجهه..
بال ٢٠١٣ اجتمعت مع شخص من زلم النظام كان شايفني عواطلي لا شغلة ولا عملة.. بده يساعدني على اساس.. ما استحيت منه وقلتله انه منتفع من النظام ووقت تروح المنفعة منه لح يكون ثورجي متله متلنا.. وهيك صار
كنت قول للاعور اعور بعينه (والناس تقلي هاد غلط) بس صدقا هاد اسلم لنفسي.. لانه ما ممكن اتقبل نفسي وانا عم داهن شخص مشان منفعة شخصية..
واللي بيعرفني بين ٢٠١٣ وال ٢٠١٦ بيعرف قديه حاربت ناس مشان مبدا الثورة.. وقديه كنت ممكن كون مستفيد لو سايرت ومشيت مع تيار فاسد..
وانا يوميا بحذف اصدقاء عندي.. مش تكبر ولا لانه مابدي اسمعهم.. بس اللي ما بده يستوعب انه على غلط مستحيل القدر اقنعه.. واللي شايفني عم اعمل فتنة او اتطاول على اسياد المجتمع يلغي الصداقة.. عادي ماني من محبي كثرة الاصدقاء.. بيكفي الصديق اللي لما تكون بضيق بيتواصل معك وبيساعدك واللي لما يشوفك غلطت بينبهك وبيتفهم موقفك..